الموت هو شعور الأحياء بفقد الأحبة
الرجوله مش بجسمك .. الرجوله مش في اسمك
الرجوله حلم تايه جريت وراه لقيت فيه نفسك
ساعات تشوف العجل منهم تقول أجدع بطل
و عند أول مطب عالي تلاقيه صباح الهطل
الرجوله يعني تجمد يعني لازم تقوي قلبك
لا مش اصدي تشرب ديو ولا اصدي تسترجل تضرب بيريل
و لا اصدي تقضي نص عمرك محتار هتضرب انهي جيل
أو تلف في الشوارع و لا بتتعب و لا بتكل
اصدي انك تفكر شويه .. تدور و تلاقي الأمل
تقوم تعافر تبني نفسك و ان خربت تلاقيلها حل
عارفين يا سيدي الدنيا بايظه و محدش فيها لاقي شغل
و ابن الوزير ماسك وزاره و هو لسه في أولى تاني
و البيه الأمير صاحب عمارة مأجرها لشلة غواني
و الشيخ فلاني بيفتي فتوى تبيحله يتحكم في أهلك
و تاني يوم بيفتي فتوى يبيحله فيها هدر دمك
عشان وقفت و قلت لأ ... مقبلش في يوم يحكمني زاني
و زيزو بيه معين ابنه رئيس مجلس ادارة
و قاله سهله مش عايزه فهم و لا عايزه علم و لا شطاره
انت ابن زيزو بيه .. بس , هي دي العباره
ساعتها كان في شاب واقف أهله ماتو في العباره
بقاله خمس سنين بيجري من الاداره للوزاره
يومها برضه قالولو شكرا ... مش طالبين خريج تجاره
كلام قديم حفظنا امه زهقنا منه و ايه الجديد ؟
يا تبقى راجل و تلقى حل يا تبقى واحد مالعبيد
لازم هتتعب تتظلم حقك يضيع و ده شيء أكيد
بس فيه واحد اتظلم و من أولها ضاع و عاش وحيد
و واحد تاني قام و كمل و كانت ارادته من حديد
في يوم قابلته و بتواضع قالي أقولك عالمفيد
قالي الرجوله مش بجسمك .. الرجوله مش في اسمك
الرجوله حلم تايه جريت وراه لقيت فيه نفسك
الرجوله حلم تايه جريت وراه لقيت فيه نفسك
ساعات تشوف العجل منهم تقول أجدع بطل
و عند أول مطب عالي تلاقيه صباح الهطل
الرجوله يعني تجمد يعني لازم تقوي قلبك
لا مش اصدي تشرب ديو ولا اصدي تسترجل تضرب بيريل
و لا اصدي تقضي نص عمرك محتار هتضرب انهي جيل
أو تلف في الشوارع و لا بتتعب و لا بتكل
اصدي انك تفكر شويه .. تدور و تلاقي الأمل
تقوم تعافر تبني نفسك و ان خربت تلاقيلها حل
عارفين يا سيدي الدنيا بايظه و محدش فيها لاقي شغل
و ابن الوزير ماسك وزاره و هو لسه في أولى تاني
و البيه الأمير صاحب عمارة مأجرها لشلة غواني
و الشيخ فلاني بيفتي فتوى تبيحله يتحكم في أهلك
و تاني يوم بيفتي فتوى يبيحله فيها هدر دمك
عشان وقفت و قلت لأ ... مقبلش في يوم يحكمني زاني
و زيزو بيه معين ابنه رئيس مجلس ادارة
و قاله سهله مش عايزه فهم و لا عايزه علم و لا شطاره
انت ابن زيزو بيه .. بس , هي دي العباره
ساعتها كان في شاب واقف أهله ماتو في العباره
بقاله خمس سنين بيجري من الاداره للوزاره
يومها برضه قالولو شكرا ... مش طالبين خريج تجاره
كلام قديم حفظنا امه زهقنا منه و ايه الجديد ؟
يا تبقى راجل و تلقى حل يا تبقى واحد مالعبيد
لازم هتتعب تتظلم حقك يضيع و ده شيء أكيد
بس فيه واحد اتظلم و من أولها ضاع و عاش وحيد
و واحد تاني قام و كمل و كانت ارادته من حديد
في يوم قابلته و بتواضع قالي أقولك عالمفيد
قالي الرجوله مش بجسمك .. الرجوله مش في اسمك
الرجوله حلم تايه جريت وراه لقيت فيه نفسك
فاكر من فترة مش بعيده أوي يعني .. كنت كل ما أعوز أعمل اي حاجه في حياتي , كان لازم الأول أدخل مود التفكير ... و طبعا مود التفكير ده ليه طقوس خاصه
تلاقيني قفلت على نفسي الاوده ... ورقه و قلم في ايدي و كباية أي حاجه سخنة جنبي و صوت فيروز أو سيلين ديون مشعشع في قلب المكان
و بعد وقت طويل أوي من التفكير و التخيل و اجراء حوارات خيالية ممكن تلاقيني فيها بكلم ناس مش موجودين و بتخيل نفسي في مواقف محصلتش ... مسكت القلم و بدأت اكتب
واحد ... هعمل كزا و كزا و كزا من اليوم كزا بتاريخ كزا لحد اليوم الفلاني
اتنين ... هعمل برضه الشيء العلاني من اليوم الفلاني لحد اليوم كزا
و هكزا دواليك
و بعد ما أطلع بالخطه التمام ... اقوم كاتبها عالكمبيوتر و حاططها عالديسكتوب , و لو فيه في الدنيا موسيقى تصويريه كنت هتلاقي أغنية اتقدم اتقدم بتاعة فيلم النمر الاسود ورايا و مش بعيد تلاقيني قمت لفيت لفتين جري في الاوده و بعدين احي الجماهير كمان , منتهى التفاؤل اللي في الحياة
مكدبش عليكم و الله بلتزم بالكلام اللي قلته ... بحاول على قد ما اقدر اعمله لكن للاسف كانت ديما النهايه بتبقى واحده
افتح الملف اللي كاتب في الخطه و افطس على نفسي من الضحك ... , الاقيني متأخر شهرين مثلا أو تلت تربع الكلام اللي كنت عايز أعمله و لا حاجه منه حصلت
طبعا بدخل في مود اكتئاب رهيب
فضلت كتير أوي أعمل كده ... تقريبا من ساعة ما وعيت عالدنيا و انا بعمل كده
في الاخر قلت أكيد في حاجه غلط في الموضوع ... هل انا مثلا كسلان و بتاع كلام ؟؟؟
برضه لأ و دي حاجه انا متأكد منها لاسباب كتيرأوي مش عايز أدخل في تفاصيلها هنا
اجابة السؤال ده جت على لسان عم عماد سواق التاكسي اللي كنت راكب معاه مره
عم عماد ده من نوع السواقين الكبار أوي اللي لازم يديلك نفحه من نفحاته كده و انت راكب معاه .. أنا معرفوش و هي مره و احده بس اللي ركبت فيها معاه ... بس كان حظي في نفحه حلوة
قالي .. ( بدون أي مقدمات كده علطول من غير انا مانطق نص كلمه) : تعرف يابني , الدنيا دي ما بتتحسبش ...
قلتله ازاي يعني ؟؟
قالي يعني ماتحسبهاش ... عيشها كده
قلتله يعني الواحد يمشي كده مطرح ما تاخده يروح
(قالي لا و لا مؤاخزه احنا برضه بني ادمين و لازم نتحكم في مسيرنا ( بالسين
قلتله طب امال قصدك ايه
قالي بص يابني انا عندي سبعين سنة و لا مؤاخزه انا ياما لفيت و روحت و عملت اللي ما يتعملش .. ما طلعتش من الدنيا دي الا بحكمه واحده بس
انت تعمل اللي عليك ... و سيب الدنيا تاخدك مطرح ما تحب , ما تفكرش كتير و ريح بالك .. الللي مكتوبلك هتاخده و الله لو عملت ايه ... و لا مؤاخزه يعني
بصراحه عجبتني الكلمه أوي و لو اني ممكن اكون سمعتها كتير أوي قبل كده بس ساعتها فهمتها أكتر
الدنيا - و لا مؤاخزه يعني - ليها حسابات احنا عمرنا ما هندركها و لا هنفهمها ... و الله لو عملنا ايه
مهما خططنا و مهما فكرنا و مهما اتفائلنا ... احيانا الظروف في لحظه بتغير كل حياتك ...
احيانا عشان امضى من واحد مالوش لازمه حياتك كلها بتتغير
احيانا عشان كلمه من وحده ملهاش لازمه حياتك كلها بتقف ... أو بتمشي
( أحيانا عشان - هو كده - حياتك كلها ممكن تتغير ( و هو كده ده سبب مهم جدا بنقابله كتير اوي في حياتنا بالزات في مصر
يعني من الاخر كده ... عمرك ما هتحسبها صح
دي مش دعوه للتشاؤم و ان كل واحد يقفل عنيه و يعيش كده بالعكس ... لازم نفكر و يبقى عندنا أهداف كبيره اوي و نخطط كمان .. بس نبقى عارفين و متأكدين 100% ان للدنيا حسابات أخرى
طبعا ما نيأسش ... و لا نحبط و نكتئب من حساباتها اللي غالبا بتيجي عكس اهدافنا ... بس نبقى عيشين مرتاحين البال
(و عارفين ان اللي مكتوبلنا ... هناخده ( طبعا بعد ما نعمل اللي علينا
دي وجهة نظري في القضية يعني
يا ريت بقى كل واحد يعيش حياته ... و ما يحسبهاش
!!! ولا مؤاخزه يعني
انا راجع أكتب تاني يا بني ادمين
شوية تشجيع و النبي كده عشان أخوكم بيموت في الكلمة الحلوة
lol
شوية تشجيع و النبي كده عشان أخوكم بيموت في الكلمة الحلوة
lol
اضحك يا صحبي , أصل كلنا طيبين
اضحك و كركر و متسألش انت مين !
سرقت ؟ .. قتلت ؟ .. طب حتى خنت ؟
ولا بتفرق .. و ان سألوك يا شاطر .. نزلك دمعتين !
-----------------------------------------------------------------------------------
مسكت القلم اكتبني .. لقيت الورق مليان
خطوط و حروف و صور بكل الألوان
دورت عليا ملقتنيش ... و فجأه
سحبوا الورق و قالولي خلاص , خلص الامتحان !!!
-----------------------------------------------------------------------------------
ما بين كل حرف و حرف قصص و كلام
تايه أنا مفقود وسط الزحام
أحاول أفك الخط و ألأرقـــام
ألاقي المتاهة وسعــــــــــــــــــــــــت
الحل و المشكلة ... سيــــــــــــــــــــــــــــان
ما بين كل حرف و حرف قصص و كلام
تايه أنا مفقود وسط الزحام
أحاول أفك الخط و ألأرقـــام
ألاقي المتاهة وسعــــــــــــــــــــــــت
الحل و المشكلة ... سيــــــــــــــــــــــــــــان
بعد 15 سنة خدمة في المدارس و الجامعات .. و بعد ما دماغ الواحد اتلعب فيها بجميع الاشكال و الأنواع تحت ما يسمى بالتعليم .. أخيرا قدرت أتوصل لفايدة واحده الواحد مننا يقدر يخرج منها من المزاكره
أصل انا بعيد عنكم عندي امتحانات .. و لما كان لزما و لابد ازاكر عشان ما تترسمش على وشي نظرة الحمار المسكين و انا فاعد في الامتحان كمان كام يوم .. قلت لأ أنا لازم أزاكر بقى .. مابدهاش
و من صباحية ربنا .. رصيت جميع الاوراق المطبوعة و المكتوبة بخط اليد و اللي حاشا لله أكون شفتها قبل كده طبعا .. و سميت الله .. و بدأت أزاكر
كمان تلات ساعات كده ببص في الساعه لاقيت فات خمس دقايق بس .. بجد صعبت عليا نفسي لما عرفت اني هقضي بقية اليوم كده ..
و لأن النفس البشريه بترفض الحبس و السجن بجميع أنواعه .. بدأت دماغي تونون .. ولاقيت نسخه صغيرة مني قاعده ادامي على المكتب و بتقولي .. قوم رفه عن نفسك شوية .. لسه اليوم طويل .. ايه رأيك تكمل فكرة المشروع اللي فكرت فيها من كام يوم ؟
و فعلا قمت و مسكت ورقة و قلم و كعادتي في التفكير لزقت الورقه عالحيطه و فضلت رايح جاي في الاوضه و اذا بالافكار عماله تنزل عليا و لا كأني اينشتاين
المهم بعد خمس دقايق كده ببص في الساعه لاقيت فات تلات ساعات !!
يا نهار ابيض .. كده اليوم هيخلص وانا لسه مذاكرتش حاجه .. رجعت بسرعه للمكتب و مسكت الورق .. و اذا بنسختي الصغيرة بتظهر ادامي تاني .. طبعا لوشتها بايدي علطول و قلت اعوذ بالله من الشيطان الرجيم و بدأت اذاكر.. الورق كان بيتكلم عن اساليب التخطيط الحديثة لخطوط الانتاج .. الفكره جميلة و شدتني ( أنا بذاكر أهو ) لكن خلتني افكر في سؤال مهم جدا .. هو لازم الواحد يخطط عشان يبقى ناجح ؟؟ طيب ما معظم الكتاب و المفكرين عمرهم ما خططوا لابداعاتهم .. و ده خلاني أقوم و أدور في النت على كلام ناس كبار في الموضوع ده زي مصطفى محمود مثلا .. المهم اني قريت كلام من احلى ما قرأت في حياتي ..
و بعد ما عملت الدماغ اللي هي .. قلت كويس و الله النص ساعه دي خلت الواحد يعمل ريفريش كده و هرجع ازاكر بنفس .. و اذا بالساعه بتقولي اني قعدت اقرا ساعتين و نص !!
قلت لأ انا كده بستهبل و بدلع .. لازم التزم بقى .. رجعت تاني و قلت أغير الورقة النحس اللي مش عايزه تخلص دي .. المهم المره دي الورق كان بيتكلم عن الروبوتات .. جميلة أوي الروبوتات و انها بتقدر تصنع اي حاجه من غير تدخل بشري .. بس فيه حاجات كده لازم انسان يصنعها .. في صناعات كده فيها احساس .. زي الجيتار مثلا .. جيتااااااار !!
طبعا دماغي نورت .. افتكرت اني لازم أكلم بنت عمتي اللي في تربية موسيقية لأني كنت متفق معاها تعلمني الجيتار .. أكيد مفيش وقت أنسب من دلوقتي !!
و بعد مالايقل عن أربع ساعات من الكلام و الاتفاقات و البحث في النت عن دروس للجيتار و انواعه و أشكاله و تاريخه .. و كل ما يتعلق بيه .. اكتشفت ان فاضل ساعتين و انام .. بصيت للورق و قلت فرصتي الوحيده .. لكن كان فيه نسخه صغيره مني قاعده على كوم الورق من فوق و ماسكه اوزان حديد و عماله تتدرب و بتبصلي بنظره معناها – أكيد عرفت هتعمل ايه دلوقتي - !
و اكيد كمان انتم عرفتم اني كان بقالي فترة ماتدربتش .. و اني بجد ماينفعش اسيب نفسي كده .. هوب مسكت الدامبلز و هاتك يا تدريب
على اخر اليوم كنت فرحان اوي .. كان يوم مليان حاجات كتير عمري ما كنت هعملها كلها
الا في حالة وحده بس
لما زاكرت ... شكرا مزاكره .. و ربنا يسترها علينا في الامتحان بقى !! بجد محتاج دعاكم !!
---------------------------------------------------------
لا تجعل مديح الناس غذاءً لك
و لا تجعل نقدهم اللاسع عدوك
فان كنت تتنظر المدح من خارجك .. فلن تشبع أبدا
و ان اتخذت من يعارض أفكارك عدوا .. فلن تتغير يوما
و ان اصبحت هذا الجائع اللذي لا يتغير
قل على الدنيا السلام
---------------------------------------------------------
لا تجعل مديح الناس غذاءً لك
و لا تجعل نقدهم اللاسع عدوك
فان كنت تتنظر المدح من خارجك .. فلن تشبع أبدا
و ان اتخذت من يعارض أفكارك عدوا .. فلن تتغير يوما
و ان اصبحت هذا الجائع اللذي لا يتغير
قل على الدنيا السلام
---------------------------------------------------------
Subscribe to:
Posts (Atom)