جوايا ليك بحور و بحور ... حاجات كتير دايبه فيك
منها يحلم بحضنك ..و منها يحلم يضمك
و منها يموت من الخوف عليك
احساس بغيابك ملوش حدود..زي لحن حزين يبكيه ألف عود
و مع كل وتر يروح الأمل و يعود
بس يبقى حلمي بيك
و أبقى انا مجنونك .. بموت في رقة عيونك .. و أعشق فيك كل التفاصيل
كل رسمه على هدومك .. كل حركه من جفونك.. أي حاجه منك برقة نجوم الليل
بتهوسني .. بتاخد روحي مني
تطير عندك تحضنك و ترفرف حواليك
لكن وحدي انا.. بقلبي أناديلك و لا غيري يسمعني
تايه أنا .. نفسي أشكيلك و ردودك بتمنعي
أروح أحكيلك .. سكوتك يرجعني
أقول أحلم أخاف الحلم يخدعني
و أحلم تسمعيني ..تسمعي احساس مليني
ساكن في أبعد نقطه في كياني ... بيصرخ ينادي
محتاجلك
-----------------------------------------------------------------------------------------------
علمتني الايام .. أنا كلمات كهذه .. أغلى بكثير من أن تلقى بين ايدي فتاة حمقاء .. تأكلها كقطعة لذيذة من اللحم
-----------------------------------------------------------------------------------------------
-----------------------------------------------------------------------------------------------
3 comments:
وجعتنى قوى جملتك الأخيرة وجت على الوتر الحزين .. ما اقدرش اوصفلك جسمى قشعر ازاى بعد ما قرتها .. حسنا ايتها القطة سأعطيكى ما تستحقيه
جميله اوى ياشريف واحساسك عالى اوى فيها
بجد فى الجون والى اجمل كمان جملتك الاخيره
بس هيه مش حتاكله زى القطه هيه مش حتقربله خالص لانها متقدرش تحس بطعمه
جمييييييييييييييييييل
مش هقول غير كده وبضم صوتى لمحمد وعمو أحمد فى الكلمه الاخيرة وسحرها اللى عمل تأثير يمكن مقدرتش كلماتك انها توصلهولى
Post a Comment